She Pulled Her Pants

Read Story: SEASON 1 EPISODE 29

You know I am just recovering from

heartbreak and would not want to commit

myself immediately.

Please forgive me. It won’t repeat itself. I

love you more than you love me.”

Perpetual don come again!!!

I dropped the phone. I was happy inside o

but men, I was also confused. So this babe

been don like me na im she wan turn me to

her money bag eh. My finger just dey scratch

me make I call her but my mind dey say

make I relax. If I call am, e go show say I dey

desperate for a come-back. Come-back to

wetin self? Wasting my money without

tasting shi-shi from her honey pot. Some

girls just dey too

wicked walai. After guy don spend for you

finish, you go come break up with am. Once

them realize say them really gain from you

and no maga dey forthcoming, them go use

sweet talk take bath your ear. If you mumu,

you go fall the second time.

“Na wetin this babe want now? After she don

form finish she wan come back. Maybe I go

draw her oil

this time”

Na so I dey carry talk to myself when

something dey bother me. Una no fit blame

me sha, every man dey always determine to

succeed for where him been fail before.

“brrr brrr”

My phone begin ring. I look the call, na so I

ignore am. The phone come ring 4 more

times. All na Perpetual dey on the line. Kai, I

just dey gyrate say na my time to do yanga

be that. I no call am till when I close from

office. Na that time I say make I call her so

that I go gist the short journey from my office

down to bridge or massalaci junction wey I

go see car enter.

“The number you are calling is not reachable.

Please try again later”

Thunder go fire MTN or the mumu network

wey no good. Useless people wey no dey like

their customer enjoy better thing. Na so I say

make I begin vex when my phone start to dey

ring again.

“brrrr brrrr”

I no form big boy o. After all, na she wan

apologize no be me. Na so I pick the call

come keep quiet for like 5 seconds.

“Hello, are you there?”

Kai, I miss that voice. Na so I swallow spit

compose myself. I no wan talk like say I dey

excited.